Video: Fransiyada jamoalardan biri Kubokdagi g‘alabani murabbiyning sochini olish bilan nishonladi

Fransiya Kubogining 1/32 finalida g‘alaba qozonib, keyingi bosqichga chiqqan «Avransh» jamoasi futbolchilari murabbiyning sochini irokezcha turmaklashdi.

«Avransh» – Fransiyaning uchinchi ligasida ishtirok etadi. Jamoa  «Laval» jamoasiga qarshi o‘yinda birinchi bo‘limda 0:1 hisobida ortda bora turib ikkinchi bo‘limda 3 gol urgan va qatorasiga ikkinchi yil Fransiya Kubogining 1/16 finaliga yo‘l olgan. 

O‘yindan keyin futbolchilar kiyim almashtirish xonasida avvaldan va'dalashuv bo‘yicha bosh murabbiy  Damen Ottaning sochini olishgan va mahalliy telekanalga intervyu berishgan.