Germaniyaning Mercedes-Benz kompaniyasi E sinfidagi universalning «kuchaytirilgan» AMG-toifasini namoyish qildi. Uning top S-varianti 612 ot kuchiga ega dvigatel bilan jihozlanadi.
Universalga 4.0 litrli biturbo V8 dvigateli o‘rnatiladi.
Mercedes-AMG E 63 Estate modelining barcha namunalariga 9 diapazonli AMG Sportshift MCT avtomatik uzatmalar qutisi joylanadi. Uning gidrotransformatori elektron boshqaruvli uzatma bilan almashtirilgan.
Avtomobilning bosh namunasi joyidan soatiga 100 km tezlikka 3,6 soniyada erishadi. 612 ot kuchiga ega motor o‘rnatilgani 0,1 soniya tezroq.
Universal, shuningdek, barcha g‘ildiraklarni yetakchi qiluvchi 4Matic+ tizimiga ham ega. Bunda, aylanuvchi lahzalar old va orqa o‘qlarga birdek taqsimlanishi yoki faqat orqa o‘qqa o‘tkazilishi mumkin.
Mercedes-AMG E 63 Estate modelining arzon namunasi boshqaruv elektronikasi ishlash tartibini o‘zgartirish tizimi, Command multimedia tizimi va karbon-keramik tormozlariga ham ega bo‘ladi.
«Kuchaytirilgan» universalning ilk taqdimoti mart oyida Jyeneva avtoko‘rgazmasida bo‘lib o‘tadi va shu yilning iyun oyidan sotuvga chiqariladi.
