Navoiyda Alisher Navoiy ijodiy merosining ahamiyatiga bag‘ishlangan xalqaro konferensiya o‘tkaziladi

Navoiy viloyati hokimligi, viloyat Ma'naviyat targ‘ibot bo‘limi, Navoiy davlat pedagogika instituti va boshqa bir qator tashkilotlar hamkorligida joriy yilning 11 fevral kuni Navoiy shahridagi muhtasham “Farhod” madaniyat saroyida buyuk mutafakkir, davlat arbobi, g‘azal mulkining sultoni Alisher Navoiy tavalludining 576 yilligi munosabati bilan “Alisher Navoiy ijodiy merosining umumbashariyat ma'naviy-ma'rifiy taraqqiyotidagi o‘rni” mavzusida xalqaro ilmiy-amaliy konferensiya o‘tkaziladi.

Viloyat hokimligi Axborot xizmati xabariga ko‘ra, ushbu nufuzli konferensiyaga Respublikadagi taniqli navoiyshunos olimlar bilan birgalikda, Ozarboyjon, Vengriya, Tojikiston, Qozog‘iston, Afg‘oniston va boshqa mamlakatlardan olimlar, tarixchilar, tadqiqotchilar kelishi kutilmoqda.  

Ayni paytda ushbu nufuzli tadbirga viloyatda qizg‘in tayyorgarlik ishlari olib borilmoqda.