Farg‘onadagi azot zavodida portlash ro‘y berdi, qurbonlar bor

23 fevral kuni, soat 16:30da Farg‘onadagi «Farg‘onaazot» korxonasi hududidagi ammiak sexida ta'mirlash-montaj ishlari vaqtida portlash ro‘y bergan.

Favqulodda vaziyatlar vazirligi ma'lumotiga ko‘ra, portlash oqibatida qurbon bo‘lganlar bor. Qurbonlar soni aniq keltirilmagan.

Hodisa sabablarini o‘rganish uchun hukumat komissiyasi tuzilgan. Jabrlanuvchilarning oilalariga zarur yordamlarni ko‘rsatish bo‘yicha ko‘rsatma berilgan.

«Kun» manbasining xabar berishicha, zavod joylashgan hudud aholisiga ehtiyot choralari ko‘rish, jumladan yuzni niqob bilan o‘rash tavsiya etilgan.