YeI Turkiyani Niderlandiya bilan mojarodan keyin ortiqcha bayonot bermaslikka chaqirdi

Yevropa Ittifoqi Turkiyani bu mamlakatning Niderlandiya bilan mojarolari fonida vaziyatni keskinlashtirishi mumkin bo‘lgan «ortiqcha bayonotlar» va harakatlardan tiyilishga chaqirdi.

«Yevropa Ittifoqi Turkiyani vaziyatni yanada og‘irlashtirishi mumkin bo‘lgan ortiqcha bayonotlar va harakatlardan tiyilishga chaqiradi», deyilgan YeI diplomatiyasi rahbari Federiki Mogerini va Qo‘shnichilik siyosati bo‘yicha yevrokomissar Yoxannes Xanning qo‘shma bayonotida.

Bayonotda shuningdek, agar Turkiyada 16 aprel kungi referendumdan keyin konstitutsiyaga o‘zgartirishlar kiritilsa, Turkiya YeIga kirishga nomzod va Yevropa Kengashi a'zosi sifatida baholanishi haqida aytilgan.