22:42 / 22.03.2017
8304

Bosh vazir favqulodda qo‘mitaning shoshilinch yig‘ilishini chaqirdi

Buyuk Britaniya bosh vaziri Tereza Mey Londondagi voqealar tufayli favqulodda qo‘mitaning shoshilinch yig‘ilishini chaqirdi. Bu haqda Reuters xabar tarqatdi.

22 mart kunining ikkinchi yarmida avtomobil Vestminster ko‘prigida odamlar ustidan yurib o‘tdi.

Ushbu avtomobil Buyuk Britaniya parlamenti binosi oldigacha borgan, uning ichida necha kishi bo‘lgani ma'lum emas.

Avtomobildan chiqqan shaxslardan biri pichoq bilan qurollangan holda politsiyachiga tashlanib, uni yaralagan. Boshqa bir politsiyachi uni otgan.

Hozircha ushbu hujum oqibatida 2 kishi halok bo‘lgani va o‘nga yaqin kishi jarohatlangani ma'lum.

Bundan oldingi xabarlarda Britaniya bosh vaziri qarorgohi politsiya tomonidan o‘rab olindi, undan chiqish taqiqlangani haqida ma'lumot berilgandi.

Bosh vazir qarorgohi parlament binosidan uncha uzoqda emas. Hukumat rahbari idorasidagilar ma'lum bosh vazir Tereza Mey hayoti xavf ostida emas va bexavotir joydaligi aytishgandi.

Top