Sankt-Peterburg metrosidagi portlashni tashkillashtirgani gumon qilinayotgan shaxs fotosurati e'lon qilindi. ReN TV telekanali kuzatuv kameralari orqali aniqlangan suratni namoyish qildi.
Guvohlar ushbu shaxs vagonda ryukzakni qoldirib chiqqanini ko‘rishgan. Ushbu shaxs qora kiyimda bo‘lgan.
3 aprel kuni «Sennaya ploshchad» bekatidan «Texnologicheskiy institut» bekatiga harakatlanishni boshlagan poyezdda portlash ro‘y berdi. Ushbu portlash oqibatida 10 kishi halok bo‘lib, 22 kishi jarohatlandi.
Meduza agentligi ma'lumotlariga ko‘ra, portlovchi uskunalarning quvvati trotil ekvivalentida taxminan 200—300 grammni tashkil etgan.
Teraktdan so‘ng metroda ikkita portlash yuz bergani haqida xabarlar paydo bo‘ldi, biroq MAQ axborot markazi boshlig‘i Andrey Prjyezdomskiy faqat bitta portlash bo‘lganini ma'lum qildi.
