Xitoy xalq respublikasi raisi Si Tszinpin va AQSh prezidenti Donald Tramp avvalroq bo‘lib o‘tgan o‘zaro uchrashuvlari davomida Suriyani muhokama qilishgan, deb xabar berdi XXR TIV rasmiy vakili Lu Kan.
"Uchrashuv davomida ikki davlat yetakchilari bu masalani ham (Suriya) muhokama qilishdi. XXR raisi Si Tszinpin Xitoyning doimiy pozitsiyasini tushuntirib berdi, unga ko‘ra, mamlakat kimyoviy qurolni qo‘llashga qarshi chiqadi. Uning ta'kidlashicha, ayni damda vaziyat yanada yomonlashishiga yo‘l qo‘ymaslik birinchi galdagi vazifa sanaladi", - deya Lu Kanning so‘zlarini keltiradi Xitoy tashqi siyosat idorasi.
Eslatib o‘tamiz, AQSh juma kuni Suriyaning Xoms viloyatidagi Shayrot aerodromiga qanotli raketalar bilan zarba berdi. Qo‘shma Shtatlar hukumati Idlib viloyatidagi kimyoviy hujum aynan shu yerdan amalga oshirilgan, degan fikrda.
