Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Тошкентда ўз уйида марихуана етиштирган “олғир” ушланди
20:19 / 27.04.2017
16742

Гиёҳвандлик воситалари ёки психотроп моддалар билан қонунга хилоф равишда муомала қилишга қарши кураш борасида олиб борилган тезкор тадбирлар натижасида ой бошидан 86 та, ҳафта давомида 25та ҳолат аниқланди. Тошкент шаҳрига кириб келиш постларда йил бошидан 62 та гиёҳвандлик воситалари билан қонунга хилоф равишда муомала қилиш жиноятлари аниқланди. Тошкент ИИББда бўлиб ўтган брифингда шу ҳақда маълум қилинди. 

Хусусан, Тошкент шаҳрида истиқомат қилувчи фуқаро ўз уйида кейинчалик сотиш мақсадида 10 туп марихуана ўсимлигини ўстиргани аниқланди. 

Тошкент ИИББ ходимлари томонидан Чилонзор, Учтепа ва Юнусобод туманларида ўтказилган тезкор тадбирлар давомида 3 нафар Ўзбекистон фуқароси қўлга олинган. Уларнинг ёнидан 2,92 грамм марихуана мусодара қилинган. Бундан ташқари, ушланганлардан бирининг уйида 10 туп гиёҳванд ўсимлиги ўстирилаётгани аниқланган. 

Мазкур иш бўйича ЖКнинг 276-моддаси 1-қисми (Гиёҳванд моддаларни сотиш мақсадидан ташқари тайёрлаш, сотиб олиш, сақлаш ва бошқа ҳаракатларни амалга ошириш) ва 273-моддаси 5-қисми (Гиёҳванд моддалар ёки психотроп моддаларни сотиш мақсадида тайёрлаш, сотиб олиш, сақлаш ва бошқа ҳаракатларни амалга ошириш) бўйича жиноий иш қўзғатилган.


Улашинг
Top