Nike innovatsion jinsi matosini ishlab chiqdi

Nike kompaniyasi sport bilan shug‘ullanishga mo‘ljallangan jinsilar yaratilgani haqida ma'lum qildi. The Marketwatch'da xabar berilishicha, kompaniya tegishli patent olish uchun ariza bergan.

Kompaniya vakillarining so‘zlariga ko‘ra, innovatsion jinsi matosi namlikka chidamli va mustahkamdir. Modellar legins va jinsi aralashmasi hisoblanadi. 

"Oddiy jinsi mato nisbatan mustahkam va chidamli bo‘ladi, lekin u sport mashg‘ulotlari, ayniqsa ekstremal sport turlari uchun muhim bo‘lgan elastiklik va boshqa xususiyatlarga ega emas. Biz buni to‘g‘irlaymiz", - dedi kompaniya vakili. 

Nike kompaniyasiga 1964 yilda AQShda asos solingan va dastlab u Blue Ribbon Sports deb atalgan. Uning shtab-kvartirasi Oregon shtatidagi Biverton shahrida joylashgan. Kompaniya Nike Golf, NikeLab, Nike Pro, Nike+, Air Jordan va Nike Skateboarding brendlari ostida ham mahsulotlar ishlab chiqaradi.