Misr Qatar bilan viza rejimini joriy etmoqda

Foto:aa.com.tr

Misr hukumati Qatar bilan viza rejimini tiklash haqida qaror qabul qildi. Bu haqda «Anadolu» xabar bermoqda.

Misrning barcha nazorat-o‘tkazish punktlari viza rejimi kiritilishi haqida xabardor etildi. Bu qaror 20 iyul, payshanba kunidan kuchga kiradi va oddiy hamda diplomatik pasport egalariga tegishli bo‘ladi.

Qatarlik sayyohlar uchib kelganlaridan so‘ng, aeroportda uch oylik vizani olishlari mumkin. Viza Misrning tegishli idoralariga murojaat qilingan taqdirda cho‘zdirib berilishi mumkin.

Avval Qatar fuqarolari Misrga vizasiz asosda borishlari mumkin edi.

Tayyorlagan Отабек Матназаров

#viza #Qatar #Misr

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.