Putin hayotidagi eng qadrli narsalar haqida aytdi

Rossiya prezidenti Vladimir Putin Sochidagi «Sirius» ta'lim markazi tarbiyalanuvchilari bilan uchrashuvda o‘z hayotidagi asosiy uch qadrli narsa haqida aytib o‘tdi. Bu haqda NTV.ru xabar tarqatgan.

«Birinchisi — hayotning o‘zi. Bu eng katta boylik. Keyingilari — sevgi va ozodlik», — degan prezident.

U o‘zi sanagan qadriyatlarning har biri uchun traktatlar yozish mumkinligi, ular haqida cheksiz o‘ylash mumkinligini qo‘shimcha qilgan.

Avvalroq Putin razvedka maktabidagi laqabi va ijtimoiy tarmoqlardan foydalanishi haqida ma'lumot bergani xabar qilingandi. U shuningdek, 2018 yilgi saylovlarda ishtirok etish bo‘yicha qarorni hali qabul qilmaganini bildirib o‘tdi.