Кейинги йилдан тест синовлари онлайн кўринишда бўлади. Бу ҳақда 3 август куни мамлакат ижодкор зиёлилари вакиллари билан учрашган Ўзбекистон Президенти Шавкат Мирзиёев маълум қилган.

Видеоселекторда қатнашган Кун.uz мухбирининг хабар беришича, кейинги йилдан имтиҳон жавоблари ўша заҳоти, ўша куниёқ чиқишига эришилади.

«Мен ўзим тестга қаршиман. Тест бўлса ҳам компьютерда топширади. Ўша куни баҳосини олиб кетади. Натижани кутиб юрадими?

Бу йил тест имтиҳонлари қаттиқ бўлди. Бундан кейин ижодий имтиҳон олинадиган олий ўқув юртларида тест бўлмайди», — деган президент.