Suriya armiyasi Iordaniya bilan chegaraning bir qismini o‘ziga qaytardi

Suriyalik qo‘shinlar qurollangan muxolifatdan Iordaniya bilan davlat chegarasining bir qismini tortib oldi. Bu haqda Reuters xabar bermoqda.

Armiya bo‘linmalari va “Xezbolloh” otryadlari ishtirok etgan amaliyot natijasida As-Suvayd viloyatidagi chegaraning taxminan 30 kilometri Damashq nazoratiga qaytdi. Ular bunga qadar muxolifat otryadlari nazoratida edi. Ularning vakili Said Sayyofning so‘zlariga ko‘ra, zarba birdaniga ikki yo‘nalish bo‘yicha berilgan.

Armiya bo‘linmalari chegaraga chiqqan va muxolifat qo‘liga bir necha yil muqaddam o‘tgan blokpostlarni egallashgan. Qurollangan muxolifatning ba'zi yetakchilari ma'lum qilishicha, mag‘lubiyatga sabab – “Jaysh al-Ashayr” guruhi tomonidan qilingan xoinlikdir. Iordaniya hukumati bu guruhni qo‘llab-quvvatlaydi va unga chegarani ushlab turish bo‘yicha vazifa yuklatilgandi.