Myanmaning Jakartadagi elchixonasi binosiga o‘t qo‘yildi

Indoneziya poytaxti Jakartada Myanma elchixonasiga yonuvchi aralashmali shisha idish uloqtirildi.

Reuters axborot agentligining ma'lum qilishicha, buning oqibatida kichik yong‘in chiqqan. Gumonlanuvchi voqea joyidan yashiringan.

Bundan avval elchixona oldidagi norozilik namoyishida Myanma tashqi ishlar vaziridan Nobel mukofoti olib qo‘yish talab qilingan. Bundan tashqari, o‘nlab odamlar Indoneziya hukumatini Myanmada musulmon ozchilikni tashkil qiluvchi rohingya  xalqini tahqirlash muammosini hal qilishga chaqirganlar.