Toshkentda o‘zbek-qozoq biznes-forumi bo‘lib o‘tadi

Toshkentda 2017 yilning 16 sentabr kuni o‘zbek-qozoq biznes-forumi bo‘lib o‘tadi. Bu haqda O‘zbekiston Savdo-sanoat palatasi matbuot xizmati xabar bermoqda.

Biznes-forumni o‘tkazishdan maqsad – iqtisodiyotning turli sohalaridagi o‘zbek va qozoq kompaniyalari o‘rtasida kooperatsion aloqalarni o‘rnatish hamda mustahkamlash, shuningdek, ikki davlat hududida qo‘shma korxonalar va investitsiya loyihalarini amalga oshirish masalasini ko‘rib chiqishdir.

Tadbir O‘zbekiston va Qozog‘iston tomonining taqdimoti hamda o‘zbek-qozoq kompaniyalarining ikki tomonlama shaxsiy muzokaralari shaklida bo‘lib o‘tadi.