Tojikistondagi universitet a'lochi qizlarning nikoh to‘ylari xarajatlarini to‘lab beradigan bo‘ldi

Tojikiston davlat tijorat universiteti rahbariyati “yaxshi” va “a'lo” baholarga o‘qiydigan talaba-qizlarning nikoh to‘ylari bilan bog‘liq barcha xarajatlarni o‘z zimmasiga olishga va'da berdi. Bu haqda universitet rektori Xamidulloxon Fakirov ma'lum qildi. 

“Ular bizning farzandlarimiz-ku. Biz ular dars vaqtida turmushga chiqish yoki uylanish haqida emas, o‘qish haqida o‘ylashlarini istaymiz. Shuning uchun oliy ta'lim muassasamizda o‘qiydigan yigitga turmushga chiqishni istovchi talaba-qizlarimizga rektorat nikoh bilan bog‘liq barcha xarajatlarni to‘lab berishiga va'da berdik”, deb aytmoqda rektor.

Uning aytishicha, OTM rahbariyati hamfikrlar oilalari vujudga kelishini istamoqda.

Fakirovning aytishicha, ayni vaqtda universitetdagi 5 mingdan ziyodroq talabadan 15 foizini qizlar tashkil qiladi.

Jahon banki tadqiqotiga ko‘ra, Tojikistonda mehnatga layoqatli yoshdagi aholining 25 foizigina professional tayyorgarlikka ega. Ta'kidlanishicha, Tojikistonda aholining kam ta'minlangan qatlamlari oliy ta'lim olish imkoniyatiga ega emaslar. Mutaxassislarning baholashicha, OTMlarning 72 foiz talabalari o‘ziga to‘q oilalar va 13 foizigina kam ta'minlangan oilalar farzandlari hisoblanadilar.