11:05 / 25.09.2017
73518

Aralashtirish tavsiya etilmaydigan 7 ta juft mahsulot

Hattoki maktab o‘quvchisi ham bir vaqtning o‘zida sut va seld balig‘ini iste'mol qilish kutilmagan effekt berishi mumkin ekanini yaxshi biladi. Biroq, bu juftlikdan boshqa ham qator mahsulotlar borki, ular bir-biri bilan unchalik “chiqishmaydi”. Agarda, ular birgalikda iste'mol qilinsa, ovqatni xazm qilish tizimidagi tabiiy jarayonlarni buzishi va insonlarning o‘zlarini yomon his qilishlariga olib kelishi mumkin.

AdMe ovqatlanish bo‘yicha mutaxassislar tavsiyalarini jiddiy o‘rganib chiqdi hamda birga iste'mol qilinmasligi lozim bo‘lgan mahsulotlar nomini keltirdi.

Buterbrod + qahva

Foto: Depositphotos | Depositphotos   

Vaqt yo‘qligida tez nonushta qilib olish, deganda, pishloqli buterbrod va qahva ko‘z o‘ngimizga keladi. Bunda pishloqning barcha foydali xususiyatlari bir zumda yo‘qoladi. Nonda bo‘lgan oddiy uglevodlar kalsiyning singishiga hamda asab va yurak-qon tomir tizimiga foyda keltirishiga xalaqit beradi. Eriydigan qahva qo‘shiladigan bo‘lsa, bu jarayon umuman yo‘qqa chiqadi.

Maslahat: Agarda, bu “juftlik”dan butunlay voz kechish mushkul bo‘lsa, hech bo‘lmasa qahvani ko‘k choyga almashtirish kerak.

Pomidor + bodring

Foto: Depositphotos | Depositphotos   

Pomidor va bodringdan tayyorlangan salat yozgi vaqtda ayniqsa juda ommabop va qariyb har bir stolda ko‘zga tashlanadi. Biroq so‘nggi tadqiqotlarning ko‘rsatishicha, bu sabzavotlarni aralashtirish organizmdagi biokimyoviy reaksiyalarni buzadi. Ortiqcha tuzlar, vaqt o‘tishi bilan shishganlik paydo bo‘ladi, foydali vitaminlar esa to‘la hajmda olinmaydi.

Maslahat: Mahsulotlarni alohida iste'mol qilish kerak. Bugungi kechki ovqatingizda pomidor va ko‘katlardan tayyorlangan salat bo‘lsa, ertaga bodringlardan foydalaning.

Kartoshka + go‘sht

Foto: Depositphotos | Pixabay

Uyda tayyorlangan go‘shtli yoki kotletli kartoshkani barcha yaxshi ko‘rib iste'mol qiladi. Biroq, bu organizm uchun juda og‘ir bo‘lgan “juftlik”dir. Kraxmal (kartoshka) xazm qilinishi uchun ishqorli, oqsil esa - kislotali muhitni talab qiladi. Birgalikda ular oshqozonda juda uzoq vaqtga turib qoladi hamda turli yoqimsiz holatlarni beradi: me'da (jig‘ildon) qaynashi,  kekirish, gazlar yoki boshqa buzilishlar. 

Maslahat: go‘sht bilan kraxmali bo‘lmagan sabzavotlar: sarsabil, rangli karam, brokkoli, yashil loviya, bargli ko‘kat, tsukini yaxshi “chiqishadi”.

Grechka + sut

Foto: Depositphotos | Depositphotos   

Marjumak (grechka)da temir, sutda esa – kalsiy moddasi bor. Ularni birlashtirsa superfoydali aralashma hosil bo‘ladigandek go‘yo. Ko‘plar shunday qilishadi va nonushta yoki yengil kechki ovqatni tayyorlashda aynan shu mahsulotlardan foydalanishadi. Biroq temir va kalsiy “do‘st” emas hamda bir biriga xazm bo‘lishda xalaqit qiladi. Biz grechka va sutni bir vaqtda iste'mol qilib, ularning foydali xususiyatlarini yo‘qotamiz. Natijada organizm bironta ham mikroelementni olmaydi.

Maslahat: Sutli mahsulotlar va temir moddasiga ega mahsulotlarni turli vaqtlarda iste'mol qiling

Makaronlar + qiyma

Foto: Pixabay| Depositphotos   

Qiymali makarondan ham yuqoridagi sabab tufayli voz kechgan ma'qul. So‘lakdagi temir ptialin va amilaza fermentlarini chiqaradi, ular kraxmalga o‘xshash uglevodlar (vermishel)ni oddiy shakarga buzib tashlaydi. Oqsilli mahsulotlar (go‘sht)ning shakar qoplamasi xavfli birikmalarni keltirib chiqaradi, ular diabet va yurak-qon tomir kasalliklarining paydo bo‘lishiga olib kelishi mumkin.

Maslahat: Pastani alohida taom sifatida qabul qilish va bug‘doyning qattiq navlaridan bo‘lgan makaron + ko‘katlar hamda ziravorlardan tayyorlangan qaylada to‘xtagan ma'qul.

Sutli mahsulotlar + ananas

Foto: Depositphotos | Depositphotos   

Nordon mevalar xazm qilishni sekinlashtiradi hamda ertalab ayniqsa og‘ir “ketadi”. Bundan tashqari, ananas tarkibiga fermentli kompleks kiradi – sutli mahsulotlar bilan birgalikda organizmning zaharlanishiga sabab bo‘lishi mumkin bo‘lgan bromelayn.

Maslahat: Ananasning o‘rniga bargak yoki qora olxo‘rini qo‘shish lozim.

Sut + banan

Foto: Depositphotos | Depositphotos   

Sut va banandan tashkil topgan “juftlik” tez tayyorlanadigan hamda foydali xususiyatlarga o‘ta mukkasidan ketganlar orasida mashhur bo‘lib ketgan. Biroq bu mahsulotlarning o‘zaro mos kelishi bo‘yicha bahslar hali ham davom etayapti.  Mutaxassislarning fikricha, barcha mevalar, ayniqsa shirinlarini boshqa taomlardan alohida iste'mol qilish kerak. Ular organizmda uzoq vaqt saqlanib qoladi, xazm bo‘lish jarayonini sekinlashtiradi. Sutni ham alohida iste'mol qilgan ma'qul.

Maslahat: Bananni asosiy taomlar oralig‘ida iste'mol qilish kerak.

Mavzuga oid
Top