Beeline алоқа оператори компаниянинг шахсий офисларида абонентларнинг SIM-карталарини LTE технологиясида ишловчи замонавий USIM карталарига бепул алмаштириш имкони ҳақида хабар берди.
«Биз мамлакат аҳолисининг мобиль Интернетга бўлган қизиқиши ҳар куни ўсиб бораётганини кузатмоқдамиз. 4G тармоғи бизнинг абонентларимизга тармоқ ресурсларига энг юқори тезликда кириш ва хизматни янада яхшилашга имкон беради», - деди “Unitel”нинг тижорат директори Максим Ефремов.
Янги хизмат билан абонентлар 4G Интернетидан арзон фойдаланишлари мумкин. SIM-карталарни бепул алмаштириш бўйича хизмат 2017 йилнинг 31 декабрь кунига қадар амалга оширилади.
