Kirsan Ilyumjinov Xalqaro shaxmat federatsiyasi prezidenti lavozimidan chetlatildi

Xalqaro shaxmat federatsiyasi (FIDe) ijroiya qo‘mitasi Kirsan Ilyumjinovni FIDe prezidenti lavozimidan chetlatdi.

FIDe ijroiya qo‘mitasining 37 nafar a'zosi Antalyadagi kongressda Ilyumjinovning yangi prezidentlik muddatiga ilgari surilishiga qarshi chiqdilar, 20 a'zosi uni qo‘llab-quvvatladilar.

Kongressda federatsiya rahbari vakolatlarining Ilyumjinov o‘rinbosari Georgios Makropulosga topshirilishiga qaror qilindi. FIDE ijroiya qo‘mitasi a'zolari bu qarorni bir ovozdan qabul qilishgan.

Ta'kidlash joizki, Ilyumjinov federatsiyani 1995 yildan boshqarib kelgan.