Kataloniya mustaqillikni e'lon qildi, «Barselona» kelajagi so‘roq ostida

Kataloniya parlamenti Ispaniyadan ajralib chiqish haqidagi rezolyutsiyani yoqlab ovoz berdi.

135 deputatdan 72 nafari mustaqillik e'lon qilinishi tarafdori ekanini ma'lum qildi, 10 nafari qarshi ovoz berdi. Madridga moyil partiya vakillari esa ovoz berish jarayonida ishtirok etishni istamadi va zalni tark etdi.

Eslatib o‘tamiz, Kataloniya mustaqilligi masalasi hududning sport jamoalariga ham ta'sir qilishi mumkin. 

Avvalroq, La Liga rahbariyati Kataloniya mustaqilligi tan olinsa, «Barselona», «Jirona» va «Espanol» Ispaniya chempionatini tark etishi mumkinligini aytgan edi. Shundan so‘ng, «Barselona»ning Fransiya yoki Angliya chempionatlariga ko‘chib o‘tishi taxmin qilingandi.