Foto: © REUTERS/Brendan McDermid
31 oktabrda kunduzi Nyu-York markazida sodir etilgan hujum ijrochisi Sayfullo Soipov unga bir necha hafta davomida tayyorgarlik ko‘rgan. Bu haqda shahar politsiyasi boshlig‘i o‘rinbosari Jon Miller ma'lum qildi.
"Tergovga ko‘ra, gumonlanuvchi teraktga bir necha hafta davomida tayyorgarlik ko‘rgan va uni IShID nomidan amalga oshirgan", deb aytgan Miller jurnalistlarga.
Teraktni amalga oshirishda kelib chiqishi o‘zbekistonlik bo‘lgan 29 yoshli Sayfullo Soipov gumon qilinmoqda. U pikap mashinasida Manxettenda piyodalarni bosib ketgan. Hujum oqibatida 8 kishi halok bo‘lgan, o‘ndan ko‘proq odam jarohat olgan. Soipovning o‘zi qo‘lga olinishi vaqtida yaralangan. Hozirda u shifoxonada bo‘lib, tergovchilar tomondan so‘roq qilinmoqda.
