18 noyabr kuni Yaponiyaning eng katta - Toyota korxonasi O‘zbekistonda ilk rasmiy dillerlik markazini ochdi. Shuningdek, bu kunda yangilangan Toyota Land Cruiser Prado 2018 rasmiy taqdimoti ham bo‘lib o‘tdi. Bu haqda Kun.uz muxbiri xabar qiladi.
Mazkur taqdimot Toshkent shahridagi "Samarqand Darvoza" savdo-komleks majmuasida tashkil etilgan bo‘lib, joriy yilning 1 dekabr kuniga qadar davom etishi ma'lum qilingan.
Mashina yuqori standartdagi xavfsizlik yostiqchalari, GXR uch eshik va EXR besh eshik moduli bilan jihozlangan. Vaziyatga qarab Toyota Land Cruiser Prado 2018 ning shinalari avtomatlashtirilgan nazorat tizimiga bo‘ysundiriladi.
Salon jihozlari uchun oliy navli hom-ashyo vositalaridan foydalanilgan bo‘lib, haqiqiy yapon sifatini o‘zida mujassam etgan. Unda mikro iqlimni yaratish tizimi ishlaydi. Tashqi shovqindan maksimal himoyalangan oyna va eshiklar VFX ovoz uzatmasini to‘liq qo‘llab-quvvatlaydi.
