17:05 / 19.11.2017
15968

AQSh Kongressmenlari O‘zbekistonga tashrif buyurmoqda

Parlamentlararo fikr almashinuvi yuzasidan AQSh Kongressi vakillari O‘zbekistonga tashrif buyuradi. Bu haqda O‘zbekiston TIV Matbuot xizmati xabar bergan.

«Joriy yilning 21 noyabr kuni AQSh Kongressi Vakillar palatasi a'zosi Trent Kelli boshchiligidagi kongressmenlar guruhi Toshkent shahriga tashrif buyurishi kutilmoqda», deyiladi xabar matnida.

Ma'lum qilinishicha, kun jadvalidan kongressmenlarning O‘zbekiston Oliy Majlisi a'zolari, Tashqi ishlar vazirligi hamda hukumat vakillari bilan uchrashuvi o‘rin olgan.

Eslatib o‘tamiz, bundan avval Oliy Majlis Qonunchilik palatasi deputatlari AQShga tashrif buyurib, amerikalik hamkasblari bilan fikr almashgandi. Shuningdek, AQSh prezident Donald Tramp yordamchisining xavfsizlik masalalari bo‘yicha o‘rinbosari Liza Kyortis O‘zbekistonga tashrif buyurgandi.

Top