20:04 / 19.11.2017
38780

Namangan viloyati IIB boshlig‘i Samarqand viloyati IIBga o‘tkazildi

19 noyabr kuni Namangan viloyat Xalq deputatlar Kengashining navbatdan tashqari sessiya yig‘ilishi bo‘lib o‘tdi. Bu haqda hokimlik mas'ul xodimi Kun.uz'ga xabar berdi.

Unda bir nechta tashkiliy masalalar muhokamaga qo‘yilgan bo‘lib, kun tartibida Namangan viloyatiga IIB boshlig‘i lavozimiga polkovnik Odil Ergashevich Otaxo‘jayevning tayinlanishi ma'qullandi.

Ushbu lavozimda shu kungacha faoliyat yuritib kelgan polkovnik Aziz Anvarovich Toshpo‘latov esa Samarqand viloyati IIB boshlig‘i lavozimiga tayinlangan.

KUN.UZ aniqlagan ma'lumotlarga ko‘ra, shu kungacha Samarqand viloyat IIB boshlig‘i vazifasida ishlab kelgan Fayzullo Bozorovich Quvondiqov o‘z arizasiga ko‘ra lavozimidan ozod etilgan.

Top