Markaziy bank oltin-valyuta zaxiralari to‘g‘risidagi axborotni taqdim etmoqda

«O‘zbekiston Respublikasi Markaziy banki to‘g‘risida»gi Qonunga muvofiq, Markaziy bankning asosiy vazifalaridan biri sifatida respublikaning rasmiy oltin-valyuta zaxiralarini saqlash va ularni boshqarish belgilangan. Bu haqda Markaziy bank rasmiy veb-sahifasida ma'lumot berilgan.

Oltin-valyuta zaxiralarini hisoblash uslubi Xalqaro valyuta jamg‘armasi standartlariga muvofiq amalga oshirilmoqda. Oltin-valyuta zaxiralari valyuta aktivlari va quyma monetar oltindan iborat.

Samarali boshqaruv maqsadida Markaziy bank tomonidan hali yalpi ham sof oltin-valyuta zaxiralarining alohida hisoblari olib borilmoqda.

Sof oltin-valyuta zaxiralari tijorat banklari va davlat boshqaruvi organlari (moliya vazirligi, tiklanish va taraqqiyot fondidan tashqari) ning Markaziy bank hisob raqamlaridagi valyuta mablag‘larini hisobga olmaydi, bu Markaziy bankning mazkur tashkilotlar oldidagi majburiyati hisoblanadi.

O‘zbekiston Respublikasi oltin-valyuta zaxiralari