19:23 / 05.02.2018
25843
Футзал. Ўзбекистон терма жамоасининг чорак финалдаги рақиби маълум бўлди
Фото: The-afc.com

Хитой Тайпейида давом этаётган футзал бўйича Осиё чемпионатида иштирок этаётган Ўзбекистон терма жамоасининг чорак финалдаги рақиби маъулм бўлди. 

«А» гуруҳида сўнгги турда Вьетнам термаси мезбон Хитой Тайпейи терма жамоасини 3:1 ҳисобида мағлуб этди ва 6 очко билан гуруҳда 1-ўринни эгаллади. Баҳрайн эса Малайзияни худди шундай ҳисобда енгди. Натижада баҳрайнликлар гуруҳда 4 очко тўплашди. Хитой Тайпейи ҳам шунча очко жамғарганди. Бу икки жамоа ўзаро дуранг ўйнашганди, аммо тўплар нисбатидаги фарқ эвазига Баҳрайн 2-ўрин билан чорак финал йўлланмасини қўлга киритди.

Натижада, чорак финалда Ўзбекистон терма жамоаси Вьетнам терма жамоасига қарши майдонга тушадиган бўлди. Япония эса Баҳрайн билан куч синашади. Иккала учрашув ҳам 8 февраль куни, Тошкент вақти билан соат 16:00да бошланади.

Top