Yana texnik g‘alaba. Mahmud G‘oipov O‘zbekistonni hisobda oldinga olib chiqdi

Bugun, 1 mart kuni Toshkentdagi O‘zbekiston taekvondo assotsiatsiyasiga qarashli «Universal» sport majmuasida katta boks kechasi bo‘lib o‘tmoqda.

Navbatdagi jangda -69 kg vazn toifasida ringga ko‘tarilgan Mahmud G‘oipovga Aleksander Rangel raqiblik qildi.

Ushbu jangning birinchi raundida kolumbiyalik sportchi ustunlik qildi. Ikkinchi raundda G‘oipov raqibini nokdaun holatiga tushirdi. Uchinchi raund ham G‘oipov hisobi yozildi.

Shundan so‘ng Rangelning ustozlari uni ringga qaytarishmadi va O‘zbekiston vakili yana texnik g‘alabaga erishdi.

Ushbu jangdan so‘ng «Uzbek Tigers» - «Colombia Heroicos» jamoalari o‘rtasidagi hisob 2:1 ko‘rinishiga keldi.

Navbatdagi jangda -81 kg vazn toifasi vakili Bektemir Meliqo‘ziyev Diyego Motoaga  qarshi ringga chiqadi.