«Uzbek Tigers» - «Colombia Heroicos». Birinchi jangda mag‘lubiyat

Bugun, 1 mart kuni Toshkentdagi O‘zbekiston taekvondo assotsiatsiyasiga qarashli «Universal» sport majmuasida katta boks kechasi tashkil etildi.

WSB seriyasiga kiruvchi musobaqada ishtirok etayotgan «Uzbek Tigers» va «Colombia Heroicos» jamoalari o‘rtasidagi boks kechasining birinchi jangi bo‘lib o‘tdi.

Dastlab ringga -52 kg vazn toifasidagi sportchilar ko‘tarilishdi. O‘zbekistonning shu vazndagi vakili Xudoynazar Fayzov kolumbiyalik Keybar Avila qarshi jang qildi.

5 raund davom etgan jang yakunida hakamlar kolumbiyalik sportchini g‘olib deb e'lon qilishdi - 3:2.

«Uzbek Tigers» - «Colombia Heroicos» jamoalari o‘rtasidagi bahsda hisob 0:1.

Navbatdagi jang -60 kg vazn vakillari Shunqor Abdurasulov va Duvan Zuleta o‘rtasida bo‘lib o‘tadi.