General Motors konserni avtomobil egalariga o‘z mashinalarini ijaraga berish imkonini beruvchi servisni test rejimida ishga tushirishni rejalashtirmoqda. Xizmat Maven karshering provayderi konserniga tegishli platformada ishlaydi. Bu haqida Bloomberg o‘z manbalariga asoslanib, ma'lum qildi.
Dastlabki dastur joriy yilning yozida ishga tushadi. Muvaffaqiyat qayd etilgan taqdirda u GM'ning avtoishlab chiqaruvchidan xizmatlar provayderiga aylanish bosqichlaridan biri bo‘lishi taxmin qilinmoqda. Xususiy avtomobillarni tasarrufiga kiritib, Uber, Lyft va kurerlik xizmatlari bilan ishlovchi Maven qo‘shimcha mablag‘lar jalb qilmay, o‘z parkini kengaytira oladi.
GM P2P-biznesi rivojlanish istiqbollarini ko‘zda tutuvchi yagona ishlab chiqaruvchi emas. O‘tgan yilning sentabrida Daimler AG konserni investitsiyalar raundini boshqarib, uning davomida xususiy avtomobillarni ijaraga beruvchi Turo startapi 92 million dollarni jalb qilishga muvaffaq bo‘ldi. Turo raqibi sarmoyachisi — Toyota.
General Motors karshering va p2p-servislardan tashqari, haydovchisiz taksilar xizmatini yo‘lga qo‘yish imkonini ko‘rib chiqmoqda. Joriy yilning yanvar oyi o‘rtalarida kompaniya avtonom TS Cruise AV bazasidagi Chevrolet Bolt mashinasini namoyish qildi. Rul va pedallarsiz avtomobil besh lazer LiDAR, 16 kamera va 21 radar bilan jihozlangan.
