Amerikalik Jon Bolsuell 14 milliard yil davomida Koinotning paydo bo‘lishi va rivojlanishi haqida so‘zlovchi 10 daqiqalik video ishladi. Taymlaps musiqachi va videosevarning YouTube-kanalida taqdim etdi.
"Vaqtning kosmik ko‘lamida insoniyat tarixi ko‘z ochib yumgudek qisqa davrni o‘z ichiga oladi. 13,8 milliard yilni 10 daqiqalik shkalaga sig‘dirgan bu video bizning naqadar yoshligimiz va Koinotning qanchalik ulkanligini ko‘rsatadi. Katta portlashdan boshlab to homo sapiens'ning paydo bo‘lgunicha, bu zamonaviy ilmiy tushunchalarga qat'iy rioya qilgan holda soniyasiga 22 million yil tezlikda rivojlanishni kuzatishga urinishdir", - deydi Bosuell.
Videoda olimlar Brayan Koks, Karl Sagan va Devid Attenborolarning fikrlari jaranglaydi.
Bosuell videoni yaratishda NASA, Voyage of Time, Cosmic Voyage, Wonders of the Universe va boshqa ochiq manbalar ma'lumotlaridan foydalangan.
"13,8 milliard yil qancha vaqtdan iborat ekanini tushunish qiyin. Bu videoni qancha ko‘p ko‘rsangiz, Koinotning naqadar "keksaligi"ga shunchalik g‘arq bo‘lasiz. Umid qilamanki, bu videoni ko‘rib, bizgacha qanchalik mislsiz vaqt o‘tgani va unda bizning naqadar qisqa vaqt yashab o‘tishimiz haqida o‘ylab ko‘rasiz", - deya ta'kidladi taymplas muallifi.
