O‘zbekiston va Qozog‘iston o‘rtasida multiturlar yo‘lga qo‘yiladi

Joriy yilning ikkinchi yarmida "Toshkent-Samarqand-Buxoro-Xiva" va "Chimkent-Turkiston-Ostona" yo‘nalishlari bo‘yicha (shu jumladan, aks yo‘nalishda) kombinatsiyalangan turlar tashkil etiladi. KUN.UZ muxbiri O‘zbekiston Respublikasi Turizmni rivojlantirish davlat qo‘mitasi vakillari bergan ma'lumotga asoslanib, shu haqida xabar berdi.

Shuningdek, "Samarqand-Ostona", "Samarqand-Olmaota", "Urganch-Ostona", "Urganch-Olmaota", "Buxoro-Ostona", "Buxoro-Olmaota", "Nukus-Atirau", "Buxoro-Atirau" va boshqa talabgor yo‘nalishlar bo‘yicha muntazam transport qatnovlarini yo‘lga qo‘yish masalasi ko‘rib chiqiladi.

Bundan tashqari, 2018 yilning ikkinchi yarmida  sayyohlarning transchegaraviy harakatlanishlarini soddalashtirish maqsadida O‘zbekiston-Qozog‘iston chegarasida doimiy asosda transchegaraviy "yashil koridor" tashkil etiladi.