UzTrade AQShga 500 ming dollarlik quritilgan meva-sabzavot mahsulotlari yetkazib beradi

O‘zbekiston Tashqi savdo vazirligi huzuridagi “UzTrade” AJ AQSh bozoriga o‘zbek mahsulotlari eksport yetkazmalarini kengaytirish maqsadida AQShning Golden Natural Product Inc. kompaniyasi bilan AQShga 500 ming dollarlik quritilgan meva-sabzavot mahsulotlari yetkazib berish bo‘yicha shartnoma tuzdi.

Ushbu eksport shartnomalar “UzTrade” va AQShdagi “UzAmerican trade Corp”savdo uyi o‘rtasidagi kelishuvlar doirasida amalga oshirilmoqda. Ushbu kelishuvlar O‘zbekiston Prezidenti Shavkat Mirziyoyevning Nyu-Yorkka tashrifi vaqtida tuzilgan.

Ayni vaqtda “Best Tastes Technology” MChJ qo‘shma korxonasi ishlab chiqargan UzKand markasi ostidagi keng assortimentdagi quruq mevalarning ilk partiyasi AQShga jo‘natildi.