Tramp Putinga qo‘ng‘iroq qildi

AQSh prezidenti Donald Tramp Rossiya prezidenti Vladimir Putinga qo‘ng‘iroq qildi. Bu haqda Kreml rasmiy saytida ma'lum qilingan.

Tramp Putinni saylovdagi g‘alaba bilan qutlagan.

Ikki davlat rahbarlari muloqot chog‘ida xalqaro kun tartibidagi dolzarb mavzularni, xususan, Ukraina va Suriya masalasini muhokama qilishgan.

«Tomonlar Suriya va Ukrainadagi vaziyatni izga solish uchun harakatlarni jadallashtirish muhimligini qayd etishgan. Ular Koreya yarim orolidagi vaziyatni ham muhokama qilishgan. Putin va Tramp bu masalalarni diplomatik yo‘l bilan hal qilish zarurligiga e'tibor qaratishdi.

Muloqot ishchi xarakterda, Rossiya-Amerika munosabatlaridagi muammolarni hal qilishga qaratilgan ruhda o‘tkazildi», deyilgan xabarda.