O‘zbekistonliklar KXL o‘yinlarini tomosha qilish imkoniyatiga ega bo‘lishdi

O‘zbekiston Milliy teleradiokompaniyasi KXL (Kontinental xokkey ligasi) pley-off bosqichi o‘yinlarini translyatsiya qilish huquqini qo‘lga kiritdi. 

Ma'lumki, Yevroosiyoning eng kuchli turnirida Rossiya, Belarus, Qozog‘iston, Latviya, Slovakiya, Finlyandiya va Xitoy klublari ishtirok etmoqda.

Endi yurtimiz xokkey muxlislari ham «Sport TV» orqali eng sara bahslarni tomosha qilish imkoniyatiga ega bo‘lishdi.

«O‘zMTRK mas'ul xodimlari turli sport musobaqalarining teletranslyatsiya huquqini qo‘lga kiritish bo‘yicha muntazam harakatda. Bu boradagi amaliy tadbirlar to‘xtab qolmaydi. Yaqin vaqt ichida O‘zMTRK teletomoshabinlarni yanada kattaroq xushxabarlar bilan xursand qilish borasida ish olib bormoqda»,- deydi MTRK «Sport» DUK direktori Zohid Karimov.