Shavkat Mirziyoyev Toshkentda Afg‘oniston prezidenti bilan muzokara o‘tkazadi

O‘zbekiston Prezidenti Shavkat Mirziyoyevning taklifiga binoan Afg‘oniston Prezidenti Muhammad Ashraf G‘ani 26 mart kuni amaliy tashrif bilan Toshkent shahriga keladi. Bu haqda O‘zA xabar bermoqda.

Ikki davlat rahbarlari 27 mart kuni «Tinchlik jarayoni, xavfsizlik sohasida hamkorlik va mintaqaviy sheriklik» mavzuida Afg‘oniston bo‘yicha yuqori darajadagi xalqaro konferensiyada ishtirok etadi va so‘zga chiqadi.

Tashrif dasturida Shavkat Mirziyoyev va Muhammad Ashraf G‘ani muzokara o‘tkazishi ham ko‘zda tutilgan.