Atamboyev: menga hokimiyat kerak emas

Almazbek Atamboyev QSDP partiyasini 2020 yilgi parlament saylovlariga tayyorlaydi. Bu haqda u bugun partiya qurultoyidan so‘ng bo‘lib o‘tgan matbuot anjumanida ma'lum qilgan.

Atamboyev siyosiy rejalar haqidagi savolga javob qaytarar ekan, hokimiyat tepasiga intilmayotganini aytib o‘tdi.

«Mening vazifam hokimiyat, bosh vazir lavozimi emas. Sapar Isakov yosh, energiyaga to‘la inson. U, albatta, xatolarga yo‘l qo‘ymoqda. Men partiyani 2020 yilgi saylovlarga tayyorlayman. Bizga QSDP kabi yana ikki-uchta partiya kerak. O‘z mafkurasi bilan. Ushbu holatda QSDP mamlakat demokratik yo‘l bilan rivojlanishi uchun o‘ziga mas'uliyat olishi kerak», - deya ma'lum qildi u.

Almazbek Atamboyevning ta'kidlashicha, agarda hokimiyatni xohlaganida, referendum orqali Konstitutsiyaga o‘zgartirishlar kiritgan bo‘lardi.