Atamboyev Jeenbekovni ogohlantirdi

QSDP yetakchisi Almazbek Atamboyev Qirg‘iziston prezidentini davlatning avvalgi rahbarlari – Asqar Akayev va Qurmanbek Bakiyev xatolarini takrorlamaslik haqida ogohlantirdi. U bu haqda bugungi matbuot anjumanida ma'lum qilgan.

Almazbek Atamboyev Sooronbay Jeenbekovga maslahatlar berishini yashirib o‘tirmadi.

Uning so‘zlariga ko‘ra, ba'zida prezidentga yoqmaydigan narsalarni ham aytadi.

«Agarda men aytmasam, unda kim unga bu haqda gapiradi? Oilani hamma narsadan ustun qo‘yish kerak emas. Biz bu yo‘l nima bilan tugashini bilamiz. Men Sooronbay Jeenbekovni ogohlantirdim va Akayev hamda Bakiyevning xatolarini takrorlamaslikni so‘radim. Umid qilamanki, mening do‘stim to‘g‘ri qaror qabul qiladi», - deya ta'kidlab o‘tdi u.