23:10 / 04.04.2018
23173
Жиззах вилояти ҳокимининг ўринбосарлари ўзгарди 

3 апрель куни Жиззах вилоят ҳокимлигининг катта мажлислар залида ўтказилган йиғилишда ҳоким ўринбосарлари таркибига ўзгартиришлар киритилди. Бу ҳақда Kun.uz манбаси хабар бермоқда.

«Маҳаллий давлат ҳокимияти тўғрисида»ги Ўзбекистон Республикаси Қонунининг 21 ва 25-моддаларига мувофиқ вилоят ҳокими қарорига асосан вилоят ҳокимининг янги ўринбосарлари тайинланган.

Хусусан, вилоят ҳокимининг иқтисодиёт ва тадбиркорлик масалалари бўйича биринчи ўринбосари бўлиб ишлаб келаётган Алишер Турсунпўлатович Худайбердиев ўрнига Ғанишер Абдукаримович Маматқулов, вилоят ҳокими ўринбосари, хотин-қизлар қўмитаси раиси лавозимида ишлаб келаётган Гулнора Мамадалиевна Тўраева ўрнига Назира Абдусатторовна Мухторова, вилоят ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида ишлаб келаётган Шуҳрат Хўжамбердиевич Жўраев ўрнига Акром Баҳритдинович Раҳмонқулов тайинланган.

Top