Isroil Madrimov g‘alabali yurishni davom ettirdi 

Butunjahon boks seriyasi — WSB toifasiga kiruvchi musobaqada ishtirok etayotgan «Uzbek Tigers» va «Venezuela Caciques» jamoalari o‘rtasidagi boks kechasining to‘rtinchi jangi bo‘lib o‘tdi.

-75 kg vazn toifasida ringga ko‘tarilgan Isroil Madrimov​ «Venezuela Caciques» vakili Keyber Gonsales​ga qarshi ringga ko‘tarildi. Jang Madrimovning to‘liq ustunligi ostida o‘tdi.

Kun.uz muxbirining xabar berishicha, besh raund davom etgan jangda hakamlar qaroriga ko‘ra «Uzbek Tigers»​​ vakili Isroil Madrimov​ 3:0 hisobida g‘alaba qozondi.

Bu jangdan so‘ng «Uzbek Tigers» - «Venezuela Caciques» jamoalari o‘rtasidagi umumiy hisob 4:0 ko‘rinishini oldi.

Navbatdagi jangda -91 kg vazn toifasi vakili Sanjar Tursunov Xuan Visente Dias​​ga qarshi ringga chiqadi.