Foto: Twitter/@FCBayern
Xorvatiyalik mutaxassis Niko Kovach keyingi mavsumdan boshlab, «Bavariya» klubi bosh murabbiyi bo‘ladi.
Myunxenliklar sport direktori Hasan Salihamijich bayonotiga ko‘ra, shartnoma 2018 yil 1 iyuldan boshlab kuchga kiradi. «Bavariya» 46 yoshli murabbiy bilan 3 yillik shartnoma imzolagan.
Niko Kovachning murabbiylar shtabiga uning ukasi Robert Kovach ham kiradi.
Eslatib o‘tamiz, ayni paytda Niko Kovach Frankfurtning «Ayntraxt» klubini boshqarmoqda. Jamoa Bundesligada 5-o‘rinni egallab turibdi.
