Yevroittifoq Armanistonga yordam va'da qildi

Yevroittifoqning Yerevandagi delegatsiyasi rahbari, elchi Petr Svitalskiyning ma'lum qilishicha, Yevropa ittifoqi Armanistonga demokratiyani mustahkamlashda yordam ko‘rsatadi. Bu haqda RIA «Novosti» xabar bermoqda.

«Yevropa ittifoqi Armanistonga demokratiya, adolat, qonun ustuvorligi, korrupsiya bilan kurashni mustahkamlashda yordam ko‘rsatadi», - deya ma'lum qilgan Svitalskiy.

Uning qo‘shimcha qilishicha, mamlakat hududidagi norozilik namoyishlari bu qadriyatlar armanlar uchun muhim ekanini ko‘rsatib berdi.

Eslatib o‘tamiz, avvalroq Armaniston mudofaa vaziri Yerevanga armiya kiritilishi mumkin ekani haqida bayonot bergandi.