Afg‘onistonda toliblarning hujumi oqibatida 9 harbiy halok bo‘ldi 

Afg‘oniston shimolidagi blokpostlarga “Tolibon” harakati jangarilari hujum qilishi oqibatida 9 harbiy halok bo‘ldi, 15 nafari yaralandi. Bu haqda Faryob viloyati gubernatori Muhammad Solih Solihga iqtibos keltirgan holda 1TV telekanali ma'lum qildi.      

Telekanal ma'lumotlariga ko‘ra, hujum 26 aprelga o‘tar kechasi sodir etilgan. Jangarilar bilan to‘qnashuv 8 soat davom etgan. 

Harbiylarning qarshi hujumi oqibatida 15 jangari yo‘q qilingan, 5 nafari yaralangan. Bundan tashqari, yo‘q qilingan jangarilar orasida ularning Muhammad Amin ismli qo‘mondoni ham bo‘lgan.