Ukraina prezidentining ma'lum qilishicha, Donbassdagi “terrorchilikka qarshi amaliyot” rejimi yakunlandi. Bu haqda Pyotr Poroshenko Twitter’dagi sahifasida yozgan.
Toshkent vaqti bilan soat 16:00da TQAning o‘rniga Ukraina Birlashgan kuchlari amaliyoti (BKA) joriy etildi. Kiyevning fikricha, avvalgi shakl o‘zining dolzarbligini yo‘qotib bo‘lgan.
Ijtimoiy tarmoqda e'lon qilingan videoda BKA boshlanishi haqidagi farmonni imzolash payti ko‘rsatilgan. Endi harbiy amaliyotga rahbarlik qilish Ukraina Xavfsizlik xizmatidan harbiylarga o‘tadi. Shu bilan birga, Kiyev aniq “terrorchilikka qarshi amaliyotlarni” istisno etmayapti. TQA rejimi tahdid paydo bo‘lsa, istalgan vaqtda joriy etilishi mumkin, deya aniqlik kiritdi Poroshenko.
