O‘zbekiston terma jamoasi «bo‘ysunmas sherlar» bilan o‘rtoqlik o‘yini o‘tkazadi

O‘zbekiston terma jamoasi 28 may kuni Toshkentda Kamerun bilan o‘rtoqlik o‘yini o‘tkazadi.

Journal du Cameroun xabariga ko‘ra, kamerunliklar 25 may kuni Parijda Burkina-Faso bilan, uch kun o‘tgach, Toshkentda O‘zbekiston terma jamoasi bilan bahs olib boradilar.

Ma'lumki, Kamerun jahon chempionati yo‘llanmasini qo‘lga kiritolmagan va bu o‘rtoqlik bahslaridan Afrika Kubogi 2019 musobaqasiga tayyorgarlik ko‘rishni maqsad qilgan.

Ayni paytda, «bo‘ysunmas sherlar» bosh murabbiyga ega emas va jamoani Aleksandr Belinga vaqtinchalik boshqarmoqda.