BMTning Inson huquqlari bo‘yicha kengashi O‘zbekistonga bir qator tavsiyalar berdi
Joriy yilning 9 may kuni Jyeneva shahrida BMTning Inson huquqlari bo‘yicha kengashining 30-sessiyasida O‘zbekistonning inson huquqlari bo‘yicha xalqaro majburiyatlari bajarilishi bo‘yicha milliy ma'ruzasi Universal davriy hisobot doirasida ko‘rib chiqildi. Bu haqida Kengash saytida xabar berilgan.
Universal davriy hisoboti Ishchi guruhi tomonidan 7-18 may kunlariga rejalashtirilgan sessiyasida O‘zbekiston bilan birgalikda 14 davlatning hisobotlari qabul qilinadi.
Bu O‘zbekistonning uchinchi milliy ma'ruzasidir. O‘zbekistonning birinchi va ikkinchi milliy ma'ruzalari 2008 yil dekabr va 2013 yil aprel oylarida tinglangan edi.
Hisobot quyidagi hujjatlarga asoslanadi:
1) milliy ma'ruza – ko‘rib chiqilayotgan Davlat tomonidan taqdim etilgan ma'lumotlar;
2) inson huquqlari bo‘yicha mustaqil ekspertlar va tashkilotlar hisobotlaridagi ma'lumotlar (maxsus tartib deb ataladi), inson huquqlariga oid shartnomalarning ijrosiga mas'ul idoralar va boshqa BMT muassasalarining ma'lumotlari;
3) boshqa manfaatdor tomonlar, jumladan inson huquqlari bo‘yicha milliy muassasalar, mintaqaviy tashkilotlar va fuqarolik jamiyati tashkilotlari tomonidan berilgan axborot.
O‘zbekiston delegatsiyasiga Inson huquqlari bo‘yicha O‘zbekiston Respublikasi milliy markazi direktori, professor Akmal Saidov boshchilik qilmoqda. Shuningdek, kechagi eshituvda Adliya vaziri o‘rinbosari Mahmud Istamov va Biznes-ombudsman Dilmurod Qosimov ham ma'ruza qilgan.
Universal davriy hisobot doirasida taqdim etiladigan O‘zbekiston Respublikasining uchinchi milliy ma'ruzasi matni bilan quyidagi havola orqali tanishish mumkin.
O‘zbekistonning milliy ma'ruzasi va uning muhokamasi internet orqali jonli efirga uzatildi hamda ushbu videoni quyidagi havola orqali ko‘rish mumkin.
O‘zbekiston hisoboti qanday qabul qilindi?
9 may kunidan buyon inson huquqlariga oid bir qator tashkilotlar aynan shu haqida yozishmoqda. Umumiy olganda, O‘zbekistondagi vaziyat muhokamasi avvalgi yillarga qaraganda ancha yaxshi o‘tdi, deyish mumkin. Garchi ekspertlar hali quvonishga vaqtli, deyishgan bo‘lsada, lekin O‘zbekistondagi so‘nggi o‘zgarishlar haqida iliq fikrlar ham bot-bot takrorlanmoqda.
Masalan, Human Rights Watch tashkiloti saytida O‘zbekiston hisoboti bo‘yicha alohida maqola chiqdi (aytgancha, shu tashkilot sayti ham O‘zbekistondan ochiladigan bo‘libdi). Maqolada quyidagi bandlar e'tiborga molik:
«Mirziyoyev o‘nlab siyosiy mahbuslarni ozodlikka chiqardi va sud tizimining mustaqilligini oshirish bo‘yicha islohotlar o‘tkazdi. So‘nggi quvonarli yangiliklardan biri ekstremizmda ayblangan jurnalist Bobomurod Abdulla va yana 3 nafar shaxsning ozod etilishi bo‘ldi. So‘z erkinligi va mitinglarga yo‘l berilmoqda, Mirziyoyev majburiy mehnatga chek qo‘yish yuzasidan topshiriq berdi. Bu katta qadam».
Shu va shu kabi iliq fikrlar fonida hali kelgusida qilinishi kerak bo‘lgan ishlar ko‘pligi haqida ham eslatib o‘tilmoqda. Shu o‘rinda BMTning Inson huquqlari bo‘yicha kengashi O‘zbekistonga bir qator tavsiyalar berdi.
Ushbu tavsiyalarni quyida birma-bir sanab o‘tamiz:
Sud tizimidagi islohotlarni amalga oshirish maqsadida sudlar, prokurorlar va huquqshunoslarni o‘qitishni davom ettirish, sudlardagi shaffoflikni oshirish va siyosiy motivlar asosida hibsga olingan mahbuslarni ozod qilish.
#UPR30 States recommend #Uzbekistan to continue training #lawers , #prosecutors and #judges in order to carry out judicial reforms, increase the transparency of the #judiciary, ensure #fairTrials, and release all politically motivated #prisoners.
— HRC SECRETARIAT (@UN_HRC) May 9, 2018
Qiynoqlarning har qanday turiga barham berish, Qiynoqqa qarshi Konventsiyaga fakultativ protokolni ratifikatsiya qilish, ozodlikdan mahrum qilish joylarida mustaqil monitoring mexanizmini joriy qilish. Shuningdek, mahbuslarning o‘z oilalari bilan bog‘lanish va tibbiy yordam so‘rab murojaat qilish huquqini ta'minlash tavsiya etilmoqda.
#UPR30 States recommend #Uzbekistan to eliminate all forms of #torture, ratify the #OPCAT and establish an independent monitoring mechanism for #prisons #NPM. Moreover, they recommend to ensure the rights of detainees to contact their families and seek access to healthcare.
— HRC SECRETARIAT (@UN_HRC) May 9, 2018
So‘z, birlashish va e'tiqod erkinligini ta'minlash yuzasidan aniq choralarni amalga oshirish, shuningdek jurnalistlar va huquq himoyachilarini ta'qib qilish hamda o‘zboshimchalik bilan ushlab turishga chek qo‘yishni tavsiya qilishmoqda.
#UPR30 States recommend #Uzbekistan to adopt concrete measures to ensure the legitimate exercise of the rights to #FreedomOfExpression, association and belief. In addition, they recommend to eliminate harassment and #ArbitraryDentention of #journalists and #HumanRightsDefenders pic.twitter.com/4jGsLFUdre
— HRC SECRETARIAT (@UN_HRC) May 9, 2018
Ko‘cha sharoitida yashaydigan va ishlaydigan ehtiyojmand, qarovsiz bolalarni himoya qilishni ta'minlash va ularni savdo, iqtisodiy hamda jinsiy ekspluatatsiya qilish hollariga barham berish. Shuningdek, jismoniy jazolarni taqiqlash va ta'lim tizimini kengaytirishni tavsiya qilishmoqda.
#UPR30 States recommend #Uzbekistan to ensure the protection of vulnerable #children living and working in street situations, and prevent their trafficking, economic & #SexualExploitation. They also recommend to prohibit #CorporalPunishment, and to expand the educational system.
— HRC SECRETARIAT (@UN_HRC) May 9, 2018
Ayollar huquqlarini himoya qilish va rag‘batlantirish choralarini kuchaytirish, gender tengligini ta'minlash. Shuningdek, ayollarning siyosiy, iqtisodiy, jamiyat hayotining boshqa sohalarida faolligini oshirish va CEDAW-2015 tavsiyalarini bajarishni taklif qilishmoqda.
#UPR30 States recommend #Uzbekistan to strengthen the promotion and protection of #WomensRights and ensure #GenderEquality. They also recommend to improve the role of women in political, economic, public & other spheres of life, and to implement the 2015 #CEDAW recommendations. pic.twitter.com/iIOxvl6t7k
— HRC SECRETARIAT (@UN_HRC) May 9, 2018
O‘zbekistonning paxta sanoatida bolalar va ayollar ishtirokidagi majburiy mehnatni qisqartirish yo‘lidagi sa'y-harakatlarini ma'qullaydi, biroq hozirda tashvishli bo‘lib turgan majburiy mehnatga butunlay barham berishni tavsiya qiladi.
#UPR30 States welcome that #Uzbekistan advanced in reducing #ForcedLabor involving #children and #women in the #cotton industry, but they recommend to completely eliminate forced labor,which remains a concern.
— HRC SECRETARIAT (@UN_HRC) May 9, 2018
Barcha shaxslarni zo‘raki yo‘qolishlardan himoya qilish to‘g‘risidagi Xalqaro koventsiyani ratifikatsiya qilishni tavsiya qilishmoqda.
#UPR30 States recommend #Uzbekistan to ratify the International Convention for the Protection of all Persons from #EnforcedDisappearance #ICPPED.
— HRC SECRETARIAT (@UN_HRC) May 9, 2018
Xushnudbek Xudayberdiyev, huquqshunos
Mavzuga oid
23:14 / 07.10.2024
Telegram uyushgan jinoiy guruhlarning «xufyona bozorlariga» aylandi – OAV
20:23 / 07.10.2024
2023 yilgi qurg‘oqchilik dunyo daryolarining 50 foizini sayozlashtirdi
10:00 / 07.10.2024
7 oktyabr voqealari: BMT bosh kotibi mintaqada tinchlikka chaqirdi
19:00 / 06.10.2024