Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Видео: Овал кабинетда хушчақчақ учрашув – Трамп Мирзиёевга ҳазил қилди
22:00 / 16.05.2018
69434

Ўзбекистон Республикаси Президенти Шавкат Мирзиёев 16 май куни Оқ уйда Америка Қўшма Штатлари Президенти Дональд Трамп билан учрашди. 

Овал кабинетда давлат раҳбарларининг мулоқоти бўлиб ўтди.

Дональд Трамп Президентимизни расмий ташрифи билан қутлаб, Ўзбекистон АҚШ учун муҳим давлат, стратегик шерик эканини қайд этди.

«Биз Ўзбекистон Республикаси Президенти билан яқиндан ҳамкорлик қилиб келмоқдамиз, хусусан савдо ва инвестициялар муносабатлари, ҳарбий қурол-яроғ ва хавфсизлик масалалари шулар жумласидандир. Жаноб Президент, сиз билан учрашганимдан мамнунман», дея сўз бошлади Дональд Трамп.  

«Жаноб Президент, аслида бу тарихий учрашув. АҚШ мамлакатимизнинг илк мустақиллик кунларидан эътиборан суверенитетимизни, ҳудудий мустақиллигимизни қўллаб-қувватлаб келган. Биз бундай муносабат учун миннатдормиз», деб таъкидлади Шавкат Мирзиёв. 

Шунингдек, Ўзбекистон Республикаси Президенти мамлакатлар ўртасидаги алоқалар ҳар иккала давлатда бўлиб ўтган президентлик сайловларидан сўнг янги босқичга кўтарилганини айтиб ўтди. 

«АҚШда ўтказилган президентлик сайловидан сўнг, мамлакатда муваффақиятли бошланган ислоҳотлар билан сизни табриклайман. Солиқ ислоҳотлари, янги ишчи ўринларни яратиш - бу сизнинг Америка халқи учун қилган хизматларингиз натижаси, деб биламан», деб таъкидлади Шавкат Мирзиёев.

«Мен 100 фоиз қўшиламан», деб ҳазил қилди Дональд Трамп бу эътирофга жавобан.


Улашинг
Top