Samolyotga kech qolgan yo‘lovchi uni “shturm bilan olmoqchi” bo‘ldi (video)

Melburn aeroportida samolyotga kech qolgan yo‘lovchi uni “shturm bilan olmoqchi” bo‘ldi, deb yozmoqda Daily mail nashri .

Yo‘lovchi reysga kech qolganini bilgach, siqilib chekishga tushib ketgan va birdan aeroportning chiqish eshigi orqali parvoz maydoniga “otilgan”. Voqea joyidan olingan videoda janjalkash yo‘lovchi samolyotning yopiq eshigini ochishga urinayotganini ko‘rish mumkin.

Voqea guvohining aytishicha, yo‘lovchi uni to‘xtatmoqchi bo‘lgan xodimlar bilan mushtlashib ketgan. Buning oqibatida 2 kishi kichik jarohat olgan.

Keyinroq erkak ushlanib, olib ketilgan, samolyot esa parvoz qilishdan oldin muhandislar tomonidan ko‘zdan kechirib chiqilgan.