Piyodalarni javobgarlikka tortishning huquqiy mexanizmi takomillashtiriladi

O‘zbekistonda piyodalarni Yo‘l harakati qoidalarini buzganligi uchun javobgarlikka tortishning huquqiy mexanizmini takomillashtiriladi. Bu 2018-2022 yillarda O‘zbekiston Respublikasida yul harakati xavfsizligini ta'minlash konsepsiyasini 2018-2019 yillarda amalga oshirish bo‘yicha "Yo‘l xaritasi"da nazarda tutilgan.

Xususan, quyidagilarni nazarda tutadigan tartib ishlab chiqiladi va tasdiqlanadi:

Yo‘l harakati qoidalarini buzgan piyodalarning shaxsini axborot-kommunikatsiya texnologiyalaridan foydalangan holda aniqlash tartibini ichki ishlar organlarining amaliyotiga joriy etish;

yo‘lovchilar tomonidan huquqbuzarliklar sodir etilishi to‘g‘risida elektron bayonnomalarni rasmiylashtirish tartibi.

Bu borada Axborot texnologiyalari va kommunikatsiyalarini rivojlantirish vazirligi, IIV, Adliya vazirligi, manfaatdor vazirliklar va idoralar mas'ul etib belgilandi.