Zarafshon shahriga yangi hokim tayinlandi

Bugun, 25 may kuni xalq deputatlari Zarafshon shahar Kengashining ham navbatdan tashqari sessiyasi bo‘lib o‘tdi.

Sessiyada tashkiliy masala ko‘rib chiqildi.

Viloyat matbuot xizmatining «Kun.uz»ga xabar berishicha, 2017 yil mart oyidan buyon Navoiy shahar hokimining Iqtisodiyot va tadbirkorlik masalalari bo‘yicha birinchi o‘rinbosari lavozimida ishlab kelayotgan Anvar Razzoqovich Rajabov Zarafshon shahar hokimi etib tayinlandi.

U bu lavozimda ko‘p yillar ishlab, bugun Navoiy shahri hokimligiga o‘tkazilgan Muhiddin Bozorov o‘rnini egalladi.